आयल होलीक दिन मतवारी
(गीत)
 |
जमुना तट पर धूम मचल अछि, कुञ्ज – भवन मे हलचल ।
रंग – अबीर सँ लाल भेल आइ, जमुना केर श्यामल – जल ।
मारय भरि – भरि कऽ पिचकारी ।
आयल होलीक दिन मतवारी ।।
|
आयल होलीक
दिन मतवारी ।
चहु दिशि
अनंग सञ्चारी ।।
हर तरफ बहय मलयानिल,
लए शीतल सुगन्धि चन्दन ।
सौंसे भूतल हरियर – सुन्नर,
हर उपवन
जनु नन्दन ।
मारय प्रकृति जेना किलकारी ।
आयल होलीक दिन मतवारी ।।
जमुना तट पर धूम मचल अछि,
कुञ्ज – भवन मे
हलचल ।
रंग – अबीर सँ लाल भेल आइ,
जमुना केर श्यामल
– जल ।
मारय भरि – भरि कऽ
पिचकारी ।
आयल होलीक
दिन मतवारी ।।
एक दिशि अछि सभ ग्वाल – बाल,
दोसर दिशि
सभ ब्रजनारी ।
बीच मे
हर्षित – मुदित राधिका,
संग मे
कृष्ण – मुरारी ।
भीजय ब्रजबाला
केर साड़ी ।
आयल होलीक दिन मतवारी ।।
No comments:
Post a Comment