किए मैथिलीक आङ्गन उदास लगैए ?
(गीत)
 |
खन आबि केओ कान मे ई बात पुछैए ।
किए मैथिलीक आङ्गन उदास लगैए ?
|
खन आबि केओ कान मे ई बात पुछैए ।
किए मैथिलीक
आङ्गन उदास लगैए ?
किए बैसल
छथि मैथिल आराम
सँ ?
किए उठइछ
ने धधरा हरेक
गाम सँ ?
किए दिनहु
मे गुजगुज अन्हार
लगैए ?
किए मैथिलीक
आङ्गन उदास लगैए ?
कतए गेलाह शिवसिंह,
विद्यापति, जनक ?
किए पड़ल अछि मन्द आइ माथक
तिलक ?
किए मिथिला
मे उनटा बसात
बहैए ?
किए मैथिलीक
आङ्गन उदास लगैए ?
कहू ! कनइछ
के बैसल एहि
कोन मे ?
की ने बाँचल अछि सिंह
एकहु बोन मे ?
किए पीयर
सनि खेतक जजाति लगैए ?
किए मैथिलीक
आङ्गन उदास लगैए ?
“विदेह” पाक्षिक मैथिली इ – पत्रिका, वर्ष –५, मास –५२ , अंक –१०४ , १५ अप्रिल २०१२ मे “स्तम्भ ३॰७” मे प्रकाशित ।
No comments:
Post a Comment