Pages

मिथिलाक पर्यायी नाँवसभ

मिथिलाभाषाक (मैथिलीक) बोलीसभ

Sunday, 19 February 2012

पद्य - ४० - वसन्तक आगमण पर


वसन्तक आगमण पर
          
भेल पुलकित दिग - दिगन्त, आ खीलि उठल हर अन्तरा
स्वागतहि   आगत  वसन्तक, सजि   रहल  ई  वसुन्धरा ।।


  

भेल पुलकित दिग - दिगन्त,
                       आ खीलि उठल हर अन्तरा
स्वागतहि  आगत  वसन्तक,
                       सजि   रहल  ई  वसुन्धरा ।।


कास केर तजि श्वेत  अभरण,
पहीरि कुसुमक ललित पहिरन,
कऽ  सकल  सिंगार   हर्षित, 
                        कर   प्रतिक्षा   वसुन्धरा ।
भेल पुलकित दिग दिगन्त, आ खीलि उठल हर अन्तरा ।।


चानने   मलयक   सुवासित,
सौरभेँ   पुष्पक    प्रभावित,
करय गमगम, मुदित हर कण, 
                         हर  दिशा,  हर  अन्तरा
भेल पुलकित दिग दिगन्त, आ  खीलि उठल हर अन्तरा ।।


हँसि रहल निमिलित कमलदल,
मुद  मनेँ  अलिदलक  सञ्चर,
मुदित, हर्षित, लसित कोकिल,
                        गाबय   स्वागत  अन्तरा
भेल पुलकित दिग दिगन्त, आ खीलि उठल हर अन्तरा ।।







अर्थ निर्देश :-

१)      अन्तरा = कोण / कोणा – दोगा
२)      अन्तरा =  दू (दिशाक) बीच मे स्थित (जगह या स्थान) 
३)      अन्तरा = गीतक आखर (सामान्य शब्देँ)






डॉ॰ शशिधर कुमर “विदेह”                                
एम॰डी॰(आयु॰) कायचिकित्सा                                   
कॉलेज ऑफ आयुर्वेद एण्ड रिसर्च सेण्टर, निगडी प्राधिकरण, पूणा (महाराष्ट्र) ४११०४४

विदेहपाक्षिक मैथिली इ पत्रिका, वर्ष , मास ५० , अंक ‍१०० , ‍१५ फरबरी २०१२ मे “स्तम्भ ३॰७” मे प्रकाशित ।



No comments:

Post a Comment