Pages

मिथिलाक पर्यायी नाँवसभ

मिथिलाभाषाक (मैथिलीक) बोलीसभ

Sunday, 1 January 2012

पद्य - ३४ - सखि तोहर मुखक तुलना के कर


                    सखि तोहर मुखक तुलना के कर

खि तोहर मुखक  तुलना के कर ??

खि तोहर मुखक  तुलना के कर ।
                            सखि तोहर मुखक तुलना के कर ।।

रवि  ज्योतिर्मय,
               सुन्नर  अतिशय ।
                             पर किरणक ताप, प्रचण्ड  प्रखर ।
                            सखि तोहर मुखक तुलना के कर ।।

शशि अतिव धवल,
               अतिशय शीतल ।
                            पर  अति  कठोर, केवल  प्रस्तर ।
                            सखि तोहर मुखक तुलना के कर ।।

जँ कही जलज,
             नहि उचित तदपि ।
                            हो विकसित रूप ने बिनु दिनकर ।
                            सखि तोहर मुखक तुलना के कर ।।

तोँ  छेँ अनुपम,
              अनमोल  रत्न ।
तोँ साँच थिकेँ,
           वा  हमर  स्वप्न ।
                            पर जे हो,  छेँ  तोँ  अति सुन्दर ।
                            सखि तोहर मुखक तुलना के कर ।।




विदेहपाक्षिक मैथिली इ पत्रिका, वर्ष , मास ४९, अंक ९७, ‍दिनांक – १ जनवरी २०१२ – स्तम्भ ३॰७ मे प्रकाशित ।

No comments:

Post a Comment