आयल साओन मास सोहाओन
(गीत)
(गीत)
आयल साओन मास सोहाओन,
कि चलु सखी , चऽलू ने सखी ।
लागय आजु धरा मनभाओन,
कि चलु सखी , चऽलू ने सखी ।।
छल छल बहइ’छ श्यामा सरिता ।
भेल मलिन मुख देखि ई सविता ।
बहु विधि सजल धजल वृंदावन,
कि चलु सखी , चऽलू ने सखी ।
आयल साओन मास सोहाओन,
कि चलु सखी , चऽलू ने सखी ।।
मन्द पवन सखी वसन हिलावय ।
मन मानस मोर मदन जगावय ।
बाजय छमकि छमकि पायलिया,
कि चलु सखी , चऽलू ने सखी ।
लागय आजु धरा मनभाओन,
कि चलु सखी , चऽलू ने सखी ।।
सभ सखि मीलि चलू रास रचायब ।
कदमक डाड़ि मे हिरला लगायब ।
बजओता माधव मधुर मुरलिया,
कि चलु सखी , चऽलू ने सखी ।
आयल साओन मास सोहाओन,
कि चलु सखी , चऽलू ने सखी ।।
No comments:
Post a Comment