पद्य - ७ - हे प्रिय ! अहँक सुन्नर मुखड़ा

 हे प्रिय ! अहँक सुन्नर मुखड़ा 
          (गीत) 

हे प्रिय ! अहँक सुन्नर मुखड़ा,

                                                    गहुमक  रोटी  सन गोल गोल ।

ने रक्त अधिक, ने श्याम प्रबल,

                                                     गहुमहि सन सुन्नर गोड़ गोड़ ।।

अछि मोन लोभाइत देखि – देखि,

                          दू  टा  फाँरा आमक अचार ।

संगहि राखल  सुन्नर - सुन्नर,

                          मिरचाइक फर दू गोट लाल ।।

की काज अहाँ केँ एहि रोटीक,

                        दऽ दियऽ सखी हम भूखल छी ।

आपस कए जुनि सिर पाप धरू,

                       हम छी अतीथि हम भूखल छी ।।

 “विदेह”  पाक्षिक मैथिली इ – पत्रिका, वर्ष – ४ , मास – ४५ , अंक – ९०, दिनांक - १५ सितंबर २०११ मे प्रकाशित ।