पद्य - २९ - मातृ – भू वन्दना

मातृ – भू वन्दना

 (बालगीत) 

सिता^१ मधुरम्^३, मधुरपि^२ मधुरम्^३,

मधुरादपि   मधु  माएक  भाषा ।

संस्कृत  प्रिय,   हिन्दी  प्रियतर,

दुहु सँ  बढ़ि कऽ  मिथिलाभाषा ।।

धरती   सुन्नर,   भारत  सुन्नर,

पर   सुन्नरतम   मिथिलाबासा ।

जिनगी  हो समर्पित  एकरहि लए,

अछि मात्र  इएह  टा अभिलाषा ।।

मिट  जाय भलहि, नञि हिय हारी,

सम  विषम, माए अहीं केर आशा ।

रहए ध्यान सतत्  अहँ चरणहि मे,

हो  हरेक  जन्म   मिथिलाबासा ।।

१  सिता = चिन्नी वा मिश्री

२ मधुर /  मधूर = मिठाई

३ मधुर = मीठ

 

“विदेह” पाक्षिक मैथिली इ – पत्रिका, वर्ष – ४, मास – ४८, अंक – ९५, ‍दिनांक - १ दिसम्बर २०११, “बालानां कृते” मे प्रकाशित ।