विद्यापति : "पाग" पहिरताह कि "मौड़ि / मौर"

विद्यापति : "पाग"  पहिरताह कि "मौड़ि / मौर"

विद्यापति युगपुरुष छलाह । ओ समस्त मैथिलक छलाह ।

जे पाग पहिरय छथि ओ निश्चित रूपेँ पाग पहिरा कऽ हुनिका सम्मान देथिन्ह आ जे मौड़ि पहिरय छथि से मौड़ि पहिरा कऽ । एहि मे विवादक कोन गप्प ।

अपना ओहि ठाम सीताजी सीधा पल्ला साड़ी मे देखाओल जाइत छथि आ महाराष्ट्र मे ढेका वला साड़ी मे - एहि सँ हुनक कोनो अपमान तँ नञि भऽ जाइत छन्हि । ............. उत्तर भारत मे भगवान शिव केँ मोछ नञि रहैत छन्हि आ दक्षिण भारत मे मोछ ऊगि जाइत छन्हि ।

जे विद्यापति समन्वयात्मक स्वभावक छलाह आ लिखैत छथि


                                   "भल हर भल हरि भल तुअ कला । 

                                    खन पितवसन खनहि बघछला ।।"

से कि "पाग" आ "मौड़ि" लेल मारि करताह ? जे प्रेमपुर्वक सम्मान सँ देबन्हि से पहिरताह । 

पाग सेहो मैथिले पहिरैत अछि आ मौड़ि सेहो मैथिले । आ विद्यापति समस्त मैथिलक थिकाह तँ हुनिका दुनु मे सँ कोनो सँ परहेज किए रहतन्हि । 

जँ दुनु मे सँ किछु नञि भेटतन्हि तँ मुरेट्ठो बान्हि कऽ चलि देताह ।

शुभमस्तु ।